Garbage collectors are also ‘frontliners' in fight vs. COVID19

Tahimik ang mga kalsada, parang hindi Metro Manila. Para bang araw-araw ay Mahal na Araw na. Pero ang totoo, lahat ay nasa loob ng mga tahanan.

Stay at home. Bahay muna. Buhay muna. Ito ang palagiang paalala ng pamahalaan sa gitna ng pangamba dulot ng sakit na coronavirus disease of mas kilala sa COVID-19.

Advertisement

Sakit na wala pang lunas. Sakit na kumitil na ng mga buhay, ‘di lamang sa ating bansa maging sa buong mundo.

Nakakatakot kung iisipin. Kaya palagiang paalala sa atin ng Department of Health at mga otoridad na maghugas ng mga kamay at panatiliing malinis ang kapaligiran. Pero papaano lilinis ang kapaligiran kung wala ang mga taga kolekta ng basura?

Sa umaga, maririnig na sa aming kalsada ang tugtog mula sa trak na dala. Nagpapahiwatig na nariyan na sila.

Ang mga kapit-bahay namin ay nakahanda na rin sa kanilang pagdating. Inilalabas na ang mga basura sa kanilang mga tahanan.

Naka mask at gwantes din ang mga kumukuha ng basura bilang proteksyon sa sakit.

‘They just come and go,’ ‘ika nga. Marami pang kalsadang iikutan.

Bukas, sa makalawa, ayan na naman sila sa ilalim ng initan. Mangongolekta ng mga basura upang mapanatili ang kalinisan.

Iba man ang eksena ng kanilang ginagalawan, magpasalamat tayo sa ating mga basurero. Sapagkat sila ma’y ‘frontliners’ din.

Advertisement